لماذا ينفد شحن هاتفك بسرعة فى الشتاء؟ وكيف تحمى بطاريتك من البرودة؟

لماذا ينفد شحن هاتفك بسرعة فى الشتاء؟ وكيف تحمى بطاريتك من البرودة؟


كتبت سماح لبيب

بطارية


مع انخفاض درجات الحرارة فى الشتاء، من الممكن أن تلاحظ إن هاتفك بيفقد الشحن بسرعة أو حتى يفصل فجأة رغم وجود بطارية كافية، السبب مش في الهاتف نفسه، لكن في تأثر بطارية الليثيوم بالبرد، وهو أمر طبيعى.
لماذا تنفذ بطارية الهاتف أسرع فى الشتاء؟


1. البرد يقلل كفاءة بطاريات الليثيوم
البطاريات بتشتغل بأفضل أداء في درجات حرارة معتدلة، ومع البرودة بتبطّأ التفاعلات الكيميائية داخلها.
2. انخفاض الجهد المؤقت
في الجو البارد، الهاتف ممكن يظن إن البطارية ضعيفة فيفصل أو ينخفض الشحن فجأة.
3. استهلاك أعلى للطاقة
الشاشة والمعالج بيحتاجوا طاقة أكبر عشان يشتغلوا في درجات حرارة منخفضة.
وهناك علامات على تأثر بطارية الموبايل بالبرد ، أهممها الشحن بينزل بسرعة غير طبيعية ، الهاتف يفصل فجأة رغم إن الشحن مش صفر ، البطارية ترجع لطبيعتها بعد ما الهاتف يدفى ، بالاضافة إلى بطء ملحوظ في الأداء.
إزاي تدعم موبايلك وتحافظ على البطارية في الشتاء؟


1. اجعل الموبايل دافىء : الافضل عدم ترك الهاتف في البرد أو العربية لفترة طويلة، ووضع الموبايل في الجيب الداخلي للجاكيت بدل الخارجى.
2. استخدم جراب (كفر)
يساعد الجراب فى عزل الهاتف عن البرودة ، والأفضل يكون سيليكون أو جلد.
3. عدم شحن الموبايل وهو بارد جدًا
لابد من تركه حتى يعود لحرارة الغرفة ، الشحن فى البرد ممكن يضر البطارية على المدى الطويل.
4 . فعّل وضع توفير الطاقة : يقلل استهلاك المعالج والشاشة ومهم جدًا فى الطقس البارد.
7. قلل سطوع الشاشة والـ GPS
الشاشة من أكتر الحاجات اللي بتسحب شحن
اقفل البلوتوث والموقع لما مش محتاجهم.
8. تحديث النظام مهم
التحديثات غالبًا بتحسّن إدارة الطاقة
خصوصًا فى الظروف الصعبة زى البرد.