اليانسون " سم على الاطفال !
 

الـيـانســــون " سُــم_عصبـي " للأطفــال !
من فترة راجعتنا أم حاملة طفلها يلي عمره ما بيتجاوز سنتين ..
والطفل كان و كأنه لا يشكو من شيء و #نايـم_بعمـق !
و لما سألناها عن سبب المُراجعة خبرتنا أنو الطفل إله حوالي الأربعة أيام عم يشكي من #مغـص_قـوي أسفل البطن مع إسهال وغثيان وارتفاع بالحرارة و الطفل ما عم يهدا إلا لما #يشـرب_يانسـون و أنو قبل ما تجيبه كمان شربته يانسون لأنه رجع يبكي !
سألناها إذا عم تعطيه شي دوا .. و كانت #الصدمـة لما جاوبت أنو عم تشربه كل يوم يانسـون حوالي #3_ببرونـات_باليـوم !
لكن بالحقيقة هي كانت عم تعطيه #سُـم و ليس دواء ؛ عدا عن #إهمالها_لألمـه كل هالفترة و المراجعة المتأخرة !
الطفل مو إنسان بالغ لنعالجه #مُعالجـة_البالغيـن ؛ و اليانسون بهي الكميات ممكن يسبب أذية #بالجهـاز_العصـبي للطفل بسبب مادة #ترانـس_أنيثـول و هالأمر ممكن يتطور لحالة #بلاهـة بالمستقبل !
الطفل بهاد العمر ممنوع تتجاوز كمية اليانسون المُقدمة له أكتر من 30 مل و عند #الضـرورة_فقـط و تحت إشراف الطبيب .. و أي طفل " تحت عمر 6 أشهـر لحد السنـة " بتوصي منظمـة الصحـة العالميـة بعدم تناوله أي مشروبات عُشبية ..
وطبعاً لما عملنا للطفل كامل الصور و التحاليل اللازمة شُخص #بإلتهـاب_عقـد_لمفاويـة_مساريقيـة يلي حُكماً علاجه مو اليانسون !
لُطفـاً عالجوا أطفالكم #بالعلـم قبل الوصفات الشعبيـة و العشبيـة دون استشارة طبية ..


* منصة صيادلة سورية - MedDose

السلام عليكم ورحمة الله وبركاته
بارك الله فيكم